TANAPA yatoa ufananuzi kuhusu fidia kwa wananchi

Shirika la Hifadhi la Taifa (TANAPA) limesema ni jukumu la serikali kupitia Wizara ya Maliasili na Utalii kuwalipa wananchi fidia za madhara yanayosababishwa na wanyama pori ili kuiondolea TANAPA lawama.
Kauli hiyo imetolewa hivi karibuni na Mhifadhi Mkuu ambaye ni Mkuu wa Hifadhi ya Taifa ya Serengeti (SENAPA), William Mwakilema, wakati akijibu maswali ya waandishi wa habari waliotaka kujua kwa nini TANAPA haiwalipi wananchi fidia.
"TANAPA ni Shirika linalolipa kodi na mapato mengine serikalini, hivyo serikali kupitia Wizara ya Maliasili na Utalii ndiyo inalipa fidia hizo," alisema Mwakilema.
"Halmashauri za wilaya wilaya zinafanya tathmini ya uharibifu na mkurugenzi wa wilaya hutuna maombi hayo wizarani ambayo ina jukumu la kupeleka fedha za fidia kwenye halmashauri," alisisitiza Mwakilema.
Alisema wananchi wawabane wakurugenzi wa halamshauri kuwalipa fidia na si TANAPA. Kutokana na hali hiyo baadhi ya viongozi wa vijiji, watendaji na madiwani wa kata tatu za Nyanungu, Gorona na Nyarukoba wilayani Tarime mkoani Mara wameitupia lawama halmashauri za wilaya.

Chanzo;Majira