DC AAGIZA WAKULIMA WALIPE MADENI YAO YA PEMBEJEO

Mwandishi wetu, Mara Yetu

SERIKALI wilayani Bunda, mkoani Mara imewataka wakulima wote wa zao la pamba waliokopa pembejeo kwa makampuni ya yanayonunua zao hilo, katika msimu wa kilimo uliopita ifikapo septemba 30 mwaka huu wawe wamelipa madeni yao vinginevyo hatua kali za kisheria zitachukuliwa dhidi yao.

Mkuu wa wilaya ya Bunda, Bw. Joshua Mirumbe, ametoa agizo hilo leo mjini Bunda, kwenye warsha ya kuboresha kilimo cha zao la pamba wilayani Bunda, warsha ambayo imeshirikisha wadau mbalimbali wakiwemo, watendaji wa kata, maafisa ugani, maendeleo ya jamii, ushirika, maafisa tarafa na waandishi wa habari.

Mirumbe amesema kuwa zaidi ya shilingi milioni 464. 2 zinadaiwa kutoka kwa wakulima wa zao la pamba waliokopa pembejeo ikiwemo mbegu pamoja na madawa ya kunyunyuzia zao hilo, kutoka kwa makampuni hayo ambayo yalikuwa yanasambaza pembejeo hiyo.

Amesema kuwa wakulima hao walikopa pembejeo hiyo kwa makubaliano kwamba watakapouza pamba yao watalipa madeni hayo, lakini hadi sasa hawajal;ipa kiasi hicho cha fedha na kwamba ifikapo septemba 30 mwaka huu, mkulima ambaye atalipa dfeni lake atafikishwa kwenye vyombo vya sheria.

Kwa mjibu wa taarifa iliyotolewa kwenye warsha hiyo, kampuni ya S&C Ginning Co. Ltd, inadai kiasi cha sh. 177,169,400, Allience Ginneries Ltd sh. 62,346,990, Olam Tanzania Ltd sh. 98,105,880, Badugu Ginning Co. Ltd 108,789,000 na Mohamed (MeTI) 13,790,500.

Kufuatia hali hiyo mkuu wa wilaya ya Bunda, amewaagiza watendaji wa vijiji na kata, pamoja na maafisa ugani  kufuatilia wakulima hao ili waweze kulipa madeni yao kwa makampuni hayo haraka iwezekanavyo na kwamba kwani msimu wa kilimo kartibu unaanza na wakulima hao watahitaji tena pembejeo hiyo, ambayo itasambazwa na makampuni hayo.

Wakati huo huo Bw. Mirumbe amewaagiza maafisa ugani kutembelea wakulima mashambani na sio kukaa ofisini kama walivyozoea kwani kazi yao kubwa ni kutembelea wakulima na kuwapatia elimu juu ya kilimo chenye tija.

Blogzamikoa

www.blogszamikoa.blogspot.com