WAKULIMA WA ZAO LA KAHAWA TARIME KUANZA KUPEWA MIKOPO BENKI YA NMB

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

WAKULIMA wa zao la Kahawa Wilayani Tarime ambao wako kwenye vyama vya msingi vya ushirika wamesema kuwa  kupitia vyama hivyo wamekuwa wakinufaika kwa kupata mikopo kutoka Benki ya NMB Tawi la Tarime na hivyo kuwawezesha kuendelea na shughuli za kilimo kwakuwa upatiwa mikopo ya fedha ambazo huwasaidia  kutekeleza mahitaji yakiwamo ya kilimo  cha zao la kahawa.

Mwenyekiti  wa Kamati ya wadau wa kahawa Kanda ya Mara inayojumuisha  Mikoa ya Mara,Mwanza na Geita, Lucas Maasa ambaye ni mkulima wakahawa kikijiji cha Bungurere kata ya Muriba alisema kuwa  kupitia vyama vya msingi Benk ya NMB imekuwa ikiwakopesha wakulima wakahawa fedha ambayo dhamana yao ni kahawa wakati huo  wakulima wakingoja mazao yao kuuzwa.

Loice Mwita mkulima wa kahawa kijiji cha Nyantira kata ya Nyansincha alisema kuwa mikopo ya fedha wanayopata kutoka Benk ya NMB imewanufaisha,na kupitia vyama vya msingi huuza kahawa kwa bei ya 1000 kwa kilo ambapo wakulima ambao hawajajiunga na vyama vya msingi huuza kahawa yao kwenye makampuni binafsi kwa 600 kwa kilo ambayo ni hasara kwa mkulima.

Hata hivyo Menieja wa Benk ya NMB Tawi la Tarime Daniel Mubusi alisema kuwa lengo la kuwapatia mikopo wakulima wa kahawa ni kuhakikisha nao wanajikomboa kimaisha kupitia kilimo cha kahawa kwani nia ya NMB si kuwakopesha watumishi, wafanyabiashara na wafanyakazi tu bali hata wakulima kwakuwa mazao yao ni dhamana kwao kuweza kupatiwamikopo ambapo Benk hiyo ilizana kutoa mikopo kwa wakulima wakahawa Tangu mwaka .