50 kwa 50 inawezekana -Esther Bulaya

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mbunge wa jimbo la Bunda Mjini Esther Amos Bulaya amesema wanawake wana uwezo mkubwa wa kufanya mabadiliko chanya katika jamii na kuliletea taifa maendeleo makubwa .

Bulaya ameyasema hayo alipokuwa akizungumza na EATV kuhusu siku ya wanawake duniani leo ambapo kauli mbiu inasema '50 kwa 50 2030: Tuongeze jitihada'.

''Malengo ya 50 kwa 50 kwa wanawake inawezekana kwa wanawake wote tukiungana na kuwa kitu kimoja , si bungeni tuu bali tushikamane na kuonyesha kwa vitendo kwamba tunawaweza kufanya kazi kwa kutumia fursa zilizopo nchini na kuondoa dhana mbaya kwamba wanawake hatuwezi''.Amesema Bulaya.

''Mkoa wa Mara ni mkoa mabao umeonyesha mfano kwa kupinga mila potofu za kuamini kwamba wanawake hawawezi kwa kupata wabunge wa kuchaguliwa na wananchi ,mimi na mwenzangu Esther Matiko wa Tarime mjini hii ni funzo kwamba wananchi wanatuamini kwa kauli zetu na matendo yetu''-Amesisitiza Bulaya.

Aidha Bi Bulaya amewakumbusha wanawake nchini kwamba wao ni jeshi kubwa na washikamane katika kusimamia haki zao na kadri siku zinavyokwenda matukio ya unyanyuasaji yatapungua katika jamii yetu.

Hata hivyo amebainisha kuwa muamko wa elimu katika jamii hususani kwa watoto wa kike kuelimishwa kumesaidia sana kupunguza vitendo vya mila potofu za ukeketaji, kutomiliki ardhi pamoja na ukatili hasa katika mkoa wa Mara ukilinganisha na miaka 10 iliyopita.