MWALIMU ASHINDA UENEZI WA CCM WILAYA

Mwandishi wetu, Bunda-Mara Yetu

MWALIMU mkuu wa shule ya msingi Butakare, iliyoko wilayani Bunda, Bw. Ezekiel Janes Sariro, ameibuka mshindi katika nafasi ya katibu wa uchumi na fedha wa chama cha mapinduzi (CCM) wilayani Bunda.

Bw. Sariro ameibuka mshindi baada ya kupata kura 114 na kuwashinda wapinzani wake, Bw. Athumani Saranga (Mambo), aliyepata kura 19 na Bw. Kondoro Chanila aliyepata kura 13.

Aidha katika uchaguzi huo ambao umefanyika jana, pia mfanyabiashara mmoja Bw. Mwikwabe Chinga, ameshinda nafasi ya katibu wa uchumi na fedha, baada ya kupata kura 89 na kuwashinda Bw. Sarat Mimi aliyepata kura 55.

Mgombea mwingine aliyeshindwa katika nafasi hiyo ni Bw. Jonh Kitang’osa ambaye pia ni katibu wa mbunge wa jimbo la Bunda, Stevin Wassira aliyepata kura 38 katika awamu ya kwanza na kuondolewa kwenye kinyang’anyiro hicho.

Katibu wa CCM wilayani Bunda, Bw. Nyigoti amesema kuwa katika uchaguzi huo pia wajumbe watano watano wa halmashauri kuu ya CCM wilaya walichasguliwa.

Bw. Sospeter Nyigoti amewataja wajumbe hao kuwa ni pamoja Bw. Paul Chikomati, B w. Mwita Mang’era, Bi. Sophia Makamulo, Bw. Kanazi Frugence na Emmanuel Magoti.

Akihutubia katika uchaguzi huo, mwenyekiti mteule wa CCM wilayani Bunda, Bw. Chacha Gimanwa, amewataka wanachama wa chama hicho kuvunja makundi yao, bali wote waungane kwa kukijenga chama hicho.

Blogzamikoa

www.blogszamikoa.blogspot.com