RC MARA AAGIZA MAZAO YAFEKWE.

Mwandishi wetu, Mara Yetu

MKUU wa Mkoa wa Mara John Tuppa amewaagiza Watendaji wa Vijiji na kata katika kata ya Mwema na Nyamaraga Wilayani Tarime kufyeka  mashamba ya mazao yote yaliyodaiwa kulimwa katika maeneo ambayo yalizuiliwa na kuchukuliwa na Serikali na kwamba kuendelea kulima katika maeneo hayo ni viashiria vya  mapigano kati ya jamii ya Wakurya  wa koo ya Wakira na Wanchari ambapo eneo hilo limekabidhiwa kwa jeshi la JKT.

 Hayo ameyaeleza wakati wa ziara yake katika  viwanja vya kijiji cha Nge'reng'ere kata ya Nyamaraga eneo kulikokuwa na mgogoro wa ardhi na mipaka ambapo ilielezwa kuwa kuna watu wa kijiji cha Kubiterere, Korotambe kata ya Mwema na  kijiji cha ng'ereng'ere kata ya Nyamaraga wamekuwa wakilima  mazao katika maeneo yaliyozuiliwa na Serikali jambo linalodaiwa kusababisha  ugomvi.

RC Tuppa amemtaka Mkuu wa Wilaya Tarime John Henjewele kukutana  na wazee wa mila  kwa mazungumzo ikiwa ni pamoja na kuhakiki upya mipaka ya kijiji na kijiji ambayo imedaiwa kuwa ndiyo chanzo cha migogoro inayosababisha ugomvi inayopelekea  watu kuuwawa na ujeruhiwa na mazao kuharibiwa.

Kwa upande mwingine RC Tuppa amewataka  viongozi wa Tarime kutatua mapema matatizo ya wananchi nakwamba dharura  inapotokea  wanapaswa kukaa katika vikao vya kamati ya ulinzi  na usalama ili kutafuta  ufumbuzi wa matatizo na sio kungoja tatizo linakuwa kubwa.

 

Blogzamikoa