MTOTO AFA KWENYE SUFURIA YA CHAI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MTOTO mwenye umri wa mwaka mmoja, wilayani Bunda katika Mkoa wa Mara, amekufa baada ya kutumbukia kwenye sufuria ya chai iliyokuwa jikoni.

Kifo hicho kilitokea jana asubuhi katika kijiji cha Kibara B, wilayani Bunda. Mwenyekiti wa kijiji hicho, Mafwili Munyaga, alisema mtoto huyo alitumbukia kwenye sufuria baada ya mama yake mzazi kumuacha na kuingia ndani ya nyumba.

Munyaga alisema baada ya kutumbukia, mama yake alisikia kelele za mtoto huyo.

Kwa kushirikiana na majirani, walimkimbiza katika Hospitali ya Misheni Kibara, lakini muda mfupi akapoteza maisha.

Mwenyekiti huyo wa Kijiji ametaka wazazi kuwa makini na watoto wao hususani kwenye mazingira hatarishi kwa usalama.

Chanzo:Habari Leo