WATU WATATU WA FAMILIA MOJA WAFA KATIKA AJALI MARA

Mara

WATU watatu wa familia moja wamefariki dunia baada ya kugongwa na gari  katika kijiji cha Kusenye Kata ya Suguti katika halmashauri ya Musoma vijijini mkoani Mara

Afisa Mtendaji wa kata ya Suguti Bw Jackson Marwa akiongea kwa  njia ya simu kuwa  ajali hiyo imetokea  juzi majira ya jioni.

Amesema ajali hiyo inadaiwa kusababishwa na gari yenye namba za usajili T 752 BQR iliyokuwa ikiendeshwa na Bw Anthony  Kusaga wakati akitokea Manispaa ya Musoma kwenda katika kijiji cha Saragana.

Amesema ajali hiyo imesababishwa na mwendo kasi na hivyo kushindwa kuimudu wakati alipokuwa katika kona karibu na ya zahanati ya kijiji hicho.

Hata hivyo afisa mtendaji huyo amewaja watu waliokufa katika ajali hiyo ni Regina Mwelo mwenye umri wa mika 5,Nyakwesi Mwelo mwenye umri wa miaka 15 na Asha Mwelo mwenye umri wa miaka 17.

Kamanda wa Jeshi la Polisi mkoa wa Mara Kamisha msaidizi Mwandamizi Abslom Mwakyoma amethibitisha kutokea kwa ajali hiyo na kwamba Jeshi la Polisi linamshikilia dereva wa gari hilo

Hababari kwa hisani ya MWANA WA AFRIKA BLOG