WANANCHI MTAA WA STAREHE KUKUMBWA NA MAFURIKO.

Dinna Maningo, Tarime-Mara Yetu

WANANCHI wa Mtaa wa starehe mjini Tarime wameiomba Serikali kufukia korongo la starehe ambalo limekuwa kero kwao kwa muda mrefu nakwamba  endapo  lisipofukiwa huwenda kukatokea maafa makubwa hasa  kwa kipindi hiki cha mvua  ya erinino.

Wakiongea na VFM wamesema kuwa  kutokana na  kuwepo kwa mvua kubwa zinazoendelea  kunyesha hivi sasa kuna hatari nyumba zilizopo kando kando mwa korongo zikabomoka baada ya  korongo hilo kujaa maji.

Mwenyekiti wa Mtaa  wa starehe Genkuru Tagaya (CCM) amesema kuwa  kwa muda mrefu tangu mwaka 2005 korongo hilo limekuwa likipigiwa kelele na  viongozi wa mtaa  lakini hakuna hatua zozote za Seikali  zilizochukuliwa  ili kuwanusuru  wananchi waishio pembezoni mwa korongo.

Mkurugenzi wa Halmashauri ya Wilaya ya Tarime Fidelis Lumato amesema kuwa  korongo hilo ni kubwa sana na linahitaji kiasi kikubwa cha pesa  ili kuboresha  na hivyo Halmashauri haina pesa  kwa sasa kwakuwa  korongo hilo halikutengewa bajeti yake na hivyo kuwataka kuwa na subira katika kipindi kingine cha bajeti.

Blogzamikoa

www.blogszamikoa.blogspot.com