RC MARA AWAPATANISHA DC GOROI NA MBUNGE AIRO

MKUU wa Mkoa wa Mara John Tuppa amewataka waandishi wa habari na vyombo vya habari nchini kuandika na kuripoti habariz a kweli za uhalisia kwa kuzingatia maadili ili  kuepusha migogoro kati ya Serikali,Wanasiasa  na jamii kwa ujumla.

 

RC Tuppa amesema kuwa hivi karibuni iliripotiwa taarifa katika baadhi ya vyombo vya habari kuwa Mbunge Rameck Airo akiwa kwenye mkutano wa wananchi wa kijiji cha Bunganjo kata ya Bukwe alisema DC Goroi anashiriki kwenye mtandao na wezi wa Ng’ombe ambapo Mbunge Airo  alikana kutamka kauli hiyo.

 

Mbunge Airo amekana tuhuma hiyo jana mbele ya kikao cha wazee mashuhuri wa Rorya wakiwamo viongozi  wa dini kilichoitishwa na Mkuu wa Mkoa wa Mara John Tuppa aliyeongozana na viongozi wa Mkoa na viongozi wa chama cha CCM  na kuwataka viongozi hao kusema tofauti zao mbele yao ili kutafuta suluhu.

 

Hata hivyo RC Tuppa  amewapatanisha viongozi hao ambapo wote walikubaliana kuachana na tofauti zao lakini kwa upande wa vyombo vya habari DC Goroi amesema atavifikisha mahakamani  vyombo vya habari vilivyomkashifu  kwakuwa Mbunge kakana  kutotamka kauli hiyo  kwa kile alichosema  imemvunjia heshima  kwa jamii.