MADIWANI RORYA WAGOMEA KIKAO CHA KUPITISHA BAJETI, KIKAO CHAAHIRISHWA.

MADIWANI Wilayani Rorya Mkoani Mara  wamegomea kikao  cha Kupitisha bajeti ya Halmashauri ya 2014/2015 kwa madai kuwa kikao hakikuzingatia mudana bila hivyo wasingeweza kujadili bajeti kwa undani na hivyo Mwenyekiti wa Halmashauri Charles Ochele Ambaye ni Diwani wa Kata ya Roche kulazimika khairisha kikao hadi januari 3/2014.

 Wakiwa kwenye kikao jana kwenye ukumbi wa Halmashauri Madiwani wamesema kuwa  hawawezi kujadili bajeti kwakuwa kikao kilianza saa 9 alasiri  na wao kama wawakilishi wa wananchi ni lazima waijadili bajeti hiyo kwa mapana zaidi juu ya yaliyomo kwenye makablasha .

Aidha madiwani wasema kuwa  hawawezi kujadili bajeti kwa siku mmoja kwani kwakuwa bajeti ni swala nyeti ilipaswa kujadiliwa kwa muda wa siku mbili kama halmashauri zingine ikiwemo Halmashauri ya Tarime iliyojadili bajeti kwa muda wa siku Mbili.

Pia  Wameongeza kuwa wameshangazwa baada ya kutakiwa kujadili bajeti bila hata bajeti hiyo kujadiliwa kwenye vikao vya  vyama ili waichambue  kujua mapungufu yaliyomo na badala yake ikawasilishwa moja kwa moja kwenye Baraza la Madiwani bila kujadiliwa kwenye vyama kwaza.