MGODI WA NORTH MARA WAKIUKA MKATABA WA KIJIJI CHA KERENDE

UONGOZI wa Serikali ya kijiji cha Kerende Kata ya Kemambo Wilayani Tarime wameutaka Mgodi wa North Mara Barrick kutekeleza miradi kwa mujibu wa makubaliano yao na kijiji ya April 14,mwaka 2012 kwa madai kuwa mgodi umekuwa hautekelezi miradi na mingine kutokukamilishwa kwa wakati.

Mwenywekiti wa jiji cha Kerende  Mambaga Muhamed amesema kuwa kwa mujibu wa makubaliano kijiji kilitakiwa kutoa watu 30 kwa ajili ya kupewa maeneo ya ulinzi kwenye  Mgodi badala yake nafasi hizo wamepewa taasisi binafsi bila serikali za jijiji kushirikishwa.

Muhamed amesema kuwa Mgodi umeshindwa kutekeleza huduma za umeme katika kijiji hicho ambapo maradi huo ulitakiwa kukamilika Octoba 2013 na haujafanyika,ambapo pia  mgodi umeshindwa kukamilisha mradi wa ujenzi wa zahanati  uliotakiwa kukamilika Desemba 2013.

Muhamed ameongeza kuwa Mgodi umeshindwa kukamilisha mradi wa ukarabati na ujenzi wa shule ya msingi Kerende ambapo  bilioni 3.2 zilitolewa na mgodi  kwa maswala ya elimu na hadi sasa Mgodi umetumia milioni 780 kwa ujenzi wa shule ya Sekondari ya Kemambo huku bado ukiendelea kuwa na vipolo vingi vya ujenzi licha yakutolewa fedha nyingi na Mgodi.

Hata hivyo Ofisa mahusiano wa Mgodi wa North Mara Suleman Monata alipotafutwa kwa njia ya simu kujibu tuhuma hizo zilizotolewa na Uongozi wa Serikari ya kijiji Cha Kerende simu yake haikupatikana  na juhudi za kumtafuta ajibu tuhuma zinaendelea.