WANANCHI WATOZWA PESA GARI LA WAGONJWA LA SERIKALI

MADIWANI  WA Halmashauri ya Wilaya ya Rorya Mkoani Mara  wameitaka Serikali kuingilia kati kitendo cha wananchi kutozwa fedha  kwa wagonjwa wao wanaosafirishwa na  gari la wagonjwa(Ambulance) lililotolewa na Serikali katika Hospitali Teule ya Shirati kwa ajili ya kusafirisha  wagonjwa kwenda Mikoani  kupata huduma za matibabu.

Wakiongea  wakati wa kikao cha Baraza la Madiwani,  Diwani wa kata ya Mkoma ambaye ni mjumbe wa bodi ya Hospitali ya Shirati  Kitori Lazaro(Chadema) amesema kuwa  pindi mgonjwa anapougua  na kuhitajika kusaforishwa kwenda hospitali ya Bugando Mkoani Mwanza  ndugu utozwa na kuchangia  laki  nne na elfu 20 kama posho ya Dereva, Nesi na mafuta  jambo linalowashinda wengi na hivyo wagonjwa kupoteza maisha.

Mganga Mkuu wa Wilaya Gina .E.Gina amesema kuwa kila mwaka Serikali  utoa milioni 147 ambazo ni mfuko wapamoja kwenda hospitali ya Shirati nakwamba mwananchi hawapaswi kutozwa fedha yoyote  wakati anaposafirishwa mgonjwa akaongeza kuwa  huwenda utozwa gaharama kutokana na Serikali kuchelewa kupeleka fedha kwa wakati kwani fedha zilizotakiwa kufika julai zimepokelea Desema 16 mwaka jana.

 Diwani wa kata ya Mirare Piter Ayoyi (ccm) amehimiza Halmashauri kujenga Hospitali ya Wilaya  au kuteuwa kituo cha afya cha serikali kama vile kituo cha Changuge  kilichopo Makao Makuu ya Wilaya ya Rorya  kipandishwe hadhi nakuwa hospitali ya Wilaya na siyo kuendelea kutegemea hospitali teule  ya misheni jambo linalosababisha migongano mikubwa baina ya wananchi na Serikali.