SERIKALI YAOMBWA KUCHANGIA MADAWATI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

SERIKALI imeombwa kuchangia Madawati katika shule ya msingi Nyabusara na Murito zilizopo Nyamongo Wilayani Tarime Mkoani Mara ili kuwapunguzia mzigo wananchi wa kijiji cha Murito kwakuwa  wananchi hao wamekuwa wakijitolea kuchangia manedeleo ya kijiji ukiwamo ujenzi wa shule.

Mwenyekiti wa Kijiji cha  Murito Joseph Mangure  amesema kuwa licha ya kijiji hicho  kuwa Nyamongo hakipo kwenye utaraitibu wa kuwezeshwa na Mgodi  wa Nort Mara    lakini wananchi  wamekuwa na mwitikio wa kuchangia shughuli mbalimbali za maendeleo zikiwamo za ujenzi wa nyumba 7 za walimu na madarasa nne shule ya msingi Murito.

Mwalimu Mkuu msaidizi wa shule ya msingi Nyabusara Sharifu Mchili amesema kuwa shule hiyo ina idadi ya wanafunzi 696 na ina upungufu mkubwa wa madawati ambapo kila darasa lina madawati 6 pekee  wakati darasa la chekechea likiwa halina dawati hata moja na hivyo kusababisha wanafunzi kutosoma vizuri na walimu kupata wakati mgumu wakati wa ufundishaji.

 Mkurugenzi wa Halmashauri ya Wilaya ya Tarime Athuman Akalama amesema kuwa anatambua mchango wa wananchi katika uchangiaji wa maendeleo lakini halmashauri inashindwa kutatua matatizo yote kutokana na wingi wa shule za msingi  101 zote zikiwa na mahitaji mengi huku Serikali nayo ikitoa pesa kidogo kulingana na maombi ya Halmashauri nakusababisha kuwepo kwa malalamiko mengi ya  wananchi.